- AKTUELT
-INTERESSEPOLITISKE
SAKER NO
|
AKTUELT - INTERESSEPOLITISKE SAKER NO
Aktiv brukarmedverknad på hjelpemiddelområdet · Brukarpass · Kontaktperson
Tilbakemeldingar frå brukarorganisasjonar og erfaringar frå hjelpemiddelsentralane synte at
- brukarar med god kompetanse om eigne hjelpemiddel, og - barn/unge og deira foreldre/føresette
ikkje var nøgde med formidlingssystemet slik det fungerer i dag.
1. januar 2003 sette trygdedirektøren i gong prosjektet ”Oppgåveløysing og aktiv brukarmedverknad på hjelpemiddelområdet” i nært samarbeid med FFO, Norges Handicapforbund og Norges Blindeforbund.
Det vart gjennomført to modellforsøk:
Målet med innføring av aktiv brukarmedverknad på hjelpemiddelområdet er at brukar skal ha større grad av sjølvbestemming og innverknad på dei vedtak som gjeld eigen livssituasjon.
Brukar skal kunne
Gjennom tildeling av brukarpass og kontaktperson for barn/unge og deira foreldre/føresette, vert det opna opp for ei smidigare oppgåveløysing innanfor gjeldande regelverk og eit system der brukaren kan nytte tenesteytarane og deira kompetanse som samarbeidspartnarar i ein eigenstyrt prosess.
II. VERKEMIDDEL
Brukarpass
Brukarpass er ei fullmakt som gjev brukaren større innverknad på val av hjelpemiddel. Passet gjev tilgang til utprøving, utskifting, service og reparasjon. Ein kan ta direkte kontakt med hjelpemiddelsentralen i samband med val av nytt hjelpemiddel, og også velje produkt frå tingingsordninga sjølv. Brukaren kan også velje kva samarbeidspartnarar (kommunen, leverandør eller hjelpemiddelsentral) han/ho ønskjer hjelp frå i prosessen frå hjelpemiddelbehovet oppstår til ein har fått eit hjelpemiddel ein er nøgd med.
Brukarpasset erstattar vedtak for dei område passet gjeld for.
Passet gjeld ikkje for bytte av hjelpemiddel frå ei hjelpemiddelgruppe til ei anna, t.d. frå manuell til elektrisk rullestol. I slike tilfelle må det fattast nytt vedtak.
Brukarpasset inneheld informasjon om namn, adresse, telefon og reglar for bruk av passet, og kva for leverandørar du kan kontakte.
Kven kan få brukarpass? Både vaksne hjelpemiddelbrukarar og barn/unge med funksjonsnedsetjingar og deira foreldre/føresette, kan vere aktuelle for ordninga.
Føresetnader:
Korleis få brukarpass? Brukaren lagar avtale om brukarpass med hjelpemiddelsentralen i sitt fylke.
Kvifor? For at brukaren sitt behov skal vere styrande for val av løysingar! Med brukarpass får ein større innverknad på valet av hjelpemiddel og enklare tilgang til utprøving, utskifting og reperasjon. Tida frå behovet oppstår og til løysinga er på plass, vert kortare.
Fast kontaktperson ved hjelpemiddelsentralen
Kvifor? For at ein som forelder eller føresett til barn med funksjonshemmingar skal få eit koordinert og forutsigbart tilbod:
Ø Raskare behovsavklaring Ø Kortare sakshandsaming Ø Godt samspel mellom brukar og kontaktperson
Kva medfører det å ha ein fast kontaktperson? Ein fast kontakt person vil
Kven kan få fast kontaktperson? Barn og unge under 18 år som er avhengig av hjelpemiddel til dagleg, og deira foreldre/føresette. Dersom ein allereie har ein fast kontaktperson i kommunen som du vil behalde, er ikkje hjelpemiddelsentralen si ordning aktuell.
III. INNFØRING OG GJENNOMFØRING
Rikstrygdeverket har bestemt at:
- Innføre ordningane ”brukarpass” og ”kontaktperson for barn/unge og deira foreldre/føresette - - Opprette arbeidsgruppe med 50 % brukarrepresentasjon og 50 % representasjon frå systemsida. Gruppa skal lede det lokale implementeringsarbeidet. - - Vere i dialog med sentral implementeringsgruppe - - Gjennomføre informasjons- og opplæringsmøte for tilsette på sentralen
Ø Arbeidsgruppa skal - - Lede det lokale implementeringsarbeidet - - Utarbeide lokal implementeringsplan for innføring og gjennomføring av brukarpass og kontaktpersonordninga - - Informere kommunane om ordningane - - Sende planar med tidbestemmingar til Rikstrygdeverket for godkjenning - - Følgje opp arbeidet med brukarpass og kontaktperson på hjelpemiddelsentralen - - Gjennomføre brukarundersøkingar ca 6 mnd etter innføring for å finne ut om brukarane er tilfredse med ordningane Brukarorganisasjonane skal - - Delta aktivt i implementeringsarbeidet - - Drive informasjon og kompetanseheving ovanfor brukarane - - Gje innspel og tilbakemeldingar i prosessen - - Sikre gode prosessar i samhandlinga mellom brukarar og hjelpemiddelsentralen
Hjelpemiddelutvalet ved Hjelpemiddelsentralen i Sogn og Fjordane har vedteke at eit brukarforsterka Hjelpemiddelutval skal fungere som arbeidsgruppe for implementering av dei to ordningane. FFO og SAFO skal kvar oppnemne to brukarrepresentantar til arbeidsgruppa. Gruppa skal setjast i arbeid i byrjinga av februar 2006. Last ned infobrosjyre brukarpass her... Last ned infobrosjyre kontaktperson her.... -----------------------------------------------------------------------------------------------------------------
FFO S. og Fj. fryktar svekka brukarmedverknad ved oppretting av region Vestlandet FFO Sogn og Fjordane har i høyringsuttale til Vestlandsrådet vedr. oppretting av Vestlandsregion understreka kor viktig det er at eit nytt regionalt forvaltningsnivå etablerer eit nært og godt samarbeid med brukarorganissjonane. Ein fryktar at det vil verte vanskeleg å få forståing for det lokale arbeidet, hos eit fjernare og større regionalt besluttningsnivå.
Lærings- og meistringssenteret - opning Mandag 07.11.05 vert det offisiell opning av det nye Lærings- og Meistringssenteret, LMS, i Helse Førde. Arrangementet vert halde på Høgskulen i Sogn og Fjordane, avdeling for helsefag i Førde i Sunnfjord-auditoriet. Programmet tek til kl. 11.00 Senteret ønskjer brukarorganisasjonane ved leiar eller anna representant velkomen til opninga! Verdensdagen for psykisk helse:Barnas Verdensdag Denne hausten er barn, familie og nettverk tema for markeringane av Verdensdagen for psykisk helse. Med arrangement over heile fylket blir det fokus på barn, unge og deira psykiske helse.Verdensdagen for psykisk helse er ei internasjonal hending og ein del av ei omfattande satsing for å informere og oppnå openheit om psykisk helse.Årets tema angår alle. Uansett kva barn og ungdom slit med må vi voksne ta ansvar. Barn og unge har rett til å bli sett. Ei god psykisk helse er grunnleggjande for alle og må byggast frå første leveår. Markeringane og arrangementa i Sogn og Fjordane finn du under "Kva Skjer" til høgre på denne sida.Les pressemelding frå Mental Helse her.....
Lærerik debatt om tilgjenge for alle i arbeidslivet og i det offentlege rommet! Kring100 deltakarar var tilstades i Sogndalssalen på Sogndal Hotell då medlemsorgnisasjonane samla seg til politisk paneldebatt med fylket sine stortingskandidatar. Ei rekkje fylkeslagsrepresentantar gjekk på talarstolen med sterke vitnesbyrd om korleis funksjonshemma og kronisk sjuke må kjempe for ein likeverdig kvardag. Herdis Indrebø, NRF sin fylkesrettleiar på likemannsarbeid i Sogn og Fjordane, heldt hoveudinnleiing på vegne av FFO Sogn og Fjordane. Ho stilte spørsmålet: "Når ingen er imot eit tilgjengeleg samfunn, kvifor har vi då ikkje fått det?" Debatten synte at kunnskapane om funksjonshemma sine rettar rett og slett er for dårleg. Fleire av paneldeltakarane måtte innrømme at dei ikkje visste kva standpunkt deira parti hadde i dei aktuelle sakene. Alle partia ville gå inn for innføring av ei lov mot diskriminering av funksjonshemma.Les referatet med oppsummering og konklusjon her....
Kinnaspelet tilrettelagd for synshemma . Med midlar frå Helse og Rehabilitering har eit samarbeidsprosjekt mellom Norges Blindeforbund og Vestlandske Blindeforbund fått Kinnaspelet tilrettlagd for synshemma.
FFO møtte Jens Stoltenberg med krav om meir satsing på rehabilitering! Magne Sandvik og Jon Svardal representerte FFO Sogn og Fjordane i møte med Jens Stoltenberg i Florø 30. mai. FFO krev at den grove skeivfordelinga av rehailiteringsmidlane mellom helseregionane må rettast opp, og at Hauglandssenteret som er den einaste rehabiliteringsinstitusjonen i Sogn og Fjordane må tilførast ressursar som kan dekke opp for det store udekka behovet innan rehablitering i vår region.
Nytt styre i FFO Sogn og Fjordane 2005/2006 FFO Sogn og Fjordane valde på årsmøte 29. mai nytt fylkesstyre for 2005/2006
Frå venstre: Jens Lønne (1. varamdl.), Gunnlaug Stedje (økonomiansv.), Oddbjørn Helgås (leiar), Sissel Stavøstrand (nestleiar), Harald Hansen (styremedl.),Gro Indrebø (fylkessekr.) Styremedlem Martin Bolstad Var ikkje tilstades då bilete vart teke. - Årsmøteresolusjonen 2005 I resolusjonen frå årsmøtet vert det fokusert på tilgjenge for funksjonshemma til transporttenestene i fylket.
Stort behov for rehabiliteringsplassar i vår region! Ei spørjeundersøking blant medlemsorganisasjonane,som FFO Sogn og Fjordane gjennomførte på oppdrag frå Helse Førde ved årsskiftet, syner at rehabiliteringstilbodet i Sogn og Fjordane og i heile helseregion Vest er svært mangelfullt!
Årets sjukehusmøte! ”Ei framtid for sjukehusa i fylket?” var temaet for møte og politisk paneldebatt som FFO Sogn og Fjordane arrangerte i samarbeid med ein brei allianse av sjukehusforkjemparar i heile fylket 1. nov. 2004.
Bakgrunnen for møtet var statsbudsjettet og underfinansieringa i Helse Vest. Ein frykta konsekvensane for dei samla sjukehustenestene i fylket, både tilbodet av spesialfunksjonar ved Sentralsjukehuset og tilboda ved lokalsjukehusa.
FFO møtte Jens Stoltenberg med krav om meir satsing på rehabilitering! Magne Sandvik og Jon Svardal representerte FFO Sogn og Fjordane i møte med Jens Stoltenberg i Florø 30. mai. FFO krev at den grove skeivfordelinga av rehailiteringsmidlane mellom helseregionane må rettast opp, og at Hauglandssenteret som er den einaste rehabiliteringsinstitusjonen i Sogn og Fjordane må tilførast ressursar som kan dekke opp for det store udekka behovet innan rehablitering i vår region.
Magne Sandvik held innlegg og det vart overlevert brev som synt under:
"Antall plassar til rehabilitering er skeivt fordelt i landet. Helse Vest har langt færre plassar enn dei andre helseregionane.
Hauglandssenteret er einaste gruppe 1 institusjon i regionen. (som skal ta seg av fagleg utfordrande rehabilitering)
Hauglandssenteret har stor pågang av pasientar og har ei ventetid på opptil 6 månader, noko som i mange tilfelle er uforsvarleg.
På bakgrunn av dette har senteret søkt om godkjenning på utviding frå 50 til 70 plassar. Helse Vest tilrår søknaden på bakgrunn av behovet i regionen.
I brev til Helseministeren ber leiinga ved senteret at søknaden om utviding vert teke med i revidert nasjonalbudsjett. Så langt ein kan lese av framlegg til revidert nasjonalbudsjett er det ikkje lagt føringar om meir midlar til rehabilitering.
Vi ber om at Stoltenberg tek dette til vitande og brukar sin innflytelse til å gjere noko med skeivfordelinga, og rår til at det blir øyremerka midlar til Hauglandssenteret i revidert nasjonalbudsjett.
Med ynskje om eit godt valg!
Venleg helsing
FFO Sogn og Fjordane
Jon Leif Svardal Magne Sandvik"
Vedlegg: Skjema over ”Fordeling av opptreningsinstitusjoner i Norge” Funksjonshemmedes fellesorganisasjon i Sogn og Fjordane.
ÅRETS SJUKEHUSMØTE! ”Ei framtid for sjukehusa i fylket?” var temaet for møte og politisk paneldebatt som FFO Sogn og Fjordane arrangerte i samarbeid med ein brei allianse av sjukehusforkjemparar i heile fylket 1. nov. 2004. Bakgrunnen for møtet var statsbudsjettet og underfinansieringa i Helse Vest. Ein frykta konsekvensane for dei samla sjukehustenestene i fylket, både tilbodet av spesialfunksjonar ved Sentralsjukehuset og tilboda ved lokalsjukehusa. Roar Eilertsen, forskar ved Kunnskapssenteret De Facto heldt hovudinnleiing med tittelen ”Diagnose for sjukehussektoren: For lite Pengar, for lite demokrati”. Vidare var det innleiingar frå Helseregion Vest, ved informasjonsdirektør Bjørg Sandal, om statsbudsjettet, underfinansieringa i Helse Vest og konsekvensar for helsetilboda i regionen, frå Høgskulen i Sogn og Fjordane, ved studieleiar Anne Grethe Naustdal, om sjukehusa sin tydnad for fagmiljø og rekruttering, og frå Lokalsjukehusaksjonane, ved Bente Øyen Hauge, om kampen for ein desentralisert sjukehusstruktur. I den politiske paneldebatten deltok representant for Sosialkomiteen, stortingsbenken frå Sogn og Fjordane og dei fremste fylkespolitikarane frå alle partia i fylket, i tillegg til representantar frå styra i helseregionen og helseføretaket. Sosialkomiteen sin representant, Per Steinar Osmundnes frå Krf., var den første til å innrømme at målsetjinga med helsereforma ikkje var oppnådd. Han lova at reforma og ressursane til helsetenesta var eit område som Krf. ville prioritere høgt i dei vidare forhandlingane om statsbudsjettet. Både SV og Ap lova at deira budsjettalternativ ville gje minimum 1 milliard meir til sjukehusdrifta enn det som ligg i regjeringa sitt forslag. Eit samla politisk panel lova å arbeide for ei meir demokratisk organisering av spesialisthelsetenestetilbodet. Møtet samla ca.120 deltakarar, ordførarar frå alle regionsråda i fylket, sentrale representantar frå helseføretaka Helse Førde og Helse Vest, sjukehusa og høgskulemiljøet, fagforbunda og organisasjonsmiljøa. Målet med møtet var å rette fokus på den dramatiske resurssituasjonen i Helse Vest og Helse Førde. Med stappfull sal, mediedekning i fylkesavisene og NRK, ein drivande debatt og interessante innlegg, konkluderer programnemnda med at arrangementet vart svært vellukka.
Møte omlokalsjukehusa si rolle som framtidige tryggleiksbasar FFO Sogn og Fjordane var representert på møte om lokalsjukehusa si framtidige rolle som tryggleiksbasar. Møtet vart arrangert av Helse Vest, etter pålegg frå Helsedepartementet, som også var tilstades på møtet. Tilsvarande møte har vore halde i dei andre helseregionane tidlegare i år. Møtet vart halde på Ullensvang Hotell, Lofthus i Hardanger. Møtet samla 120 deltakarar (Helse Vest hadde lagt opp til maksimum 70)
Styreleiar i Helse Vest, Mai Vik, svarte på Spørsmål frå FFO Sogn og Fjordane sitt innlegg, at ingen av lokalsjukehusa skulle leggast ned.
Deltakarane på møtet vart likevel ikkje ”roa” av dette svaret. Ein fryktar at omstillingane som representantane frå Helse Vest la stor vekt på at måtte komme, vil føre til at akuttfunksjonane vil forsvinne, og at sjukehusa med dette, slik ein kjenner dei i dag, i praksis vil verte nedlagde.
Etter samtalar med deltakarar, reagerer ein på at Helse Vest ikkje har offentleggjort møtet, slik ein kunne forvente. Fleire av dei sentrale deltakarane hadde fått nyss om møte ved rein tilfeldigheit. Dette var også tilfellet for FFO
Ein reagerer vidare på den svært utilgjengelege staden som var vald for møtet.
FFO Sogn og Fjordane kunne ikkje sjå at Helse Førde var representert. I alle høve hadde dei ikkje ordet.
FFO S. og Fj. la i sitt innlegg på møtet vekt på to viktige kriteria for sjukehusa si tryggleiksrolle: 1. Vi må kunne stole på at sjukehuset kan gje oss hjelp i akutte situasjonar 2. Vi ønskjer nærleik til helsetilbod som vi nyttar ofte
FFO Sogn og Fjordane var representert ved styremedlem, Sissel Stavøstrand, og fylkessekretær, Gro Indrebø
Last ned FFO SoF sitt innlegg her: -Adobe pdf format
Betre Levevilkår for Funksjonshemma! FFO Sogn og Fjordane er svært bekymra over levekårsutviklinga for funksjonshemma. Funksjonshemma og kronisk sjuke scorar lågt på levevilkårsundrsøkingane, og forskjellane mellom svake og sterke grupper er aukande. Aukande og fleire eigendelar på medisinsk behandling og offentlege tenester, samt eit jamt lågt nivå på uførepensjonen bidrar til at levekårskløfta aukar.
FFO ønskjer å sette denne saka på dagsorden i den politiske debatten i fylket og i valkampen 2005.
Hovudmålet er at den økonomiske utviklinga for funksjonshemma skal vere slik at funksjonshemma er sikra en levestandard på linje med den øvrige befolkninga. Delmål 1: Funksjonshemma skal sikrast moglegheit til å bruke evnene sine og kapasiteten sin i aktiv deltaking i arbeidslivet. Delmål 2: Funksjonshemma som fell utanfor arbeidsmarknaden må sikrast betre levevilkår gjennom auka trygdeinntekter og reduserte kostnader som følgje av funksjonshemming og kronisk sjukdom.
FFO Sogn og Fjordane har i første runde laga innlegg til avisene i Sogn og Fjordane og sendt inn sak om levekåra for funksjonshemma og ny vurdering av hjelpestønader til Felles brukarutval for Aetat og Trygdeetaten i Sogn og Fjordane.
Buss for alle! Med verknad frå 13.februar 2004 er EU sitt bussdirektiv 2001/85/EF, implementert i dei norske kjøretøyforskriftene. Direktivet inneheld krav om tilgjenge til buss for funksjonshemma, med spesiell vekt på rørslehemma. Direktivet inneheld også krav til utstyr og tekniske løyingar.
FFO Sogn og Fjordane vil fremje sak ovanfor fylkeskommunen om buss for alle. Vi vil m.a. syne til brev frå staten der fylkeskommunane vert oppmoda til å gjere bussmateriellet tilgjengeleg for funksjonshemma. FFO Sogn og Fjordane vil leggje vekt på at både by-bussar og tur og ekspressbussar må innrettast til bruk for alle. Pr. i dag er det 6 fylkeskommunar som har vedteke krav om tilgjenge for alle i bussmateriellet. For FFO er det svært viktig å sikre at bussane er tilgjengeleg for syns og hørselshemma så vel som rørslehemma personar.
Samla politikk for funksjonshemma! Fylkestinget har, etter innspel frå FFO Sogn og Fjordane hausten 2003 og våren 2004, i fylkesplanen 2005-2008 vedteke at det skal utarbeidast ein samla politikk for funksjonshemma.
Fylkeskommunen ønskjer å samarbeide med FFO i det vidare arbeidet, og dette vert ei svært viktig oppgåve for FFO-samarbeidet. Samla politikk for funksjonshemma i Sogn og Fjordane vert truleg tema på leiarsamlinga hausten 2004.
|
