OM FFO SOGN OG FJORDANE

FFO Sogn og Fjordane er eit organ for felles politisk framferd. Her i fylket er det 33 organisasjonar av funksjonshemma og kronisk sjuke som har samla seg i FFO - fellesskapet. Målet med samarbeidet er å kunne fungere som eit kraftig politisk verktøy, slik at dei funksjonshemma sine organisasjoner sine premiss i størst mogeleg grad skal leggast til grunn for politikken og samfunnsutforminga i fylket.

FFO Sogn og Fjordane sitt overordna arbeidsføremål er funksjonshemmas fulle deltaking og likestilling. Vi kjempar for eit solidarisk samfunn som tek omsyn til ulike grupper sitt behov og sikrar at alle har tilgjenge til utdanningsystemet, arbeidsmarknaden og kulturtilbod.

FFO Sogn og Fjordane ønskjer vidare å:

  - Gjere informasjon om helse og sjukdom lettare tilgjengeleg

  - Styrke samarbeidet mellom organisasjonane og det offentlege

  - Formidle informasjon om behandlingstilbod

  - Gje råd om meistring av sjukdom i det daglege

  - Drive fram gode løysingar for funksjonshemma og funksjonsfriske

  - Samordne og utnytte kompetansen i dei ulike

     medlemsorganisasjonane